Chronik der Stadt Kyllburg 800 - 2000
Quellen und Karten im Original
Auszug aus dem Sammelprivileg Kaiser Ludwigs des Bayern
Ludovicus Quartus - Romanorum imperator - ad perpetuam rei memoriam. Dudum Romanorum imperatores et reges sanctam Treverensem ecclesiam et ipsius antistites - libertatibus privilegiis - decorarunt. Nos igitur - presertim principis nostri Baldewini - respectu - ex certa scientia civitatem, opida, villas, valles et castra sua et ecclesie sue predicte, scilicet Treverim, Sarburch, Marcetum, Grimberg, Pillich, Kylburch, Malberg, Manderscheit, Witlich, Berenkastil, Baldenawe, Baldenecke, Cellam in Hammone, Cochme, Clottene, Esche, Triis, Carden, Alkene, Meyene, Monasterium, Confluentiam, Capelle sub Castro Stolzenfels, Niederlainstein, Baldenstein, Montabur, Hartenvels et Ludenstorf Treverensis diocesis, Sancti Wendelini Metensis et Snideburg (II. Ausf. richtig: Smydeburch), Moguntine dyocesum et quemlibet dictorum locorum libertamus et libertata confirmamus et eandem emunitatem et libertatem ipsis concedimus et donamus, quibus imperatores et reges Romanorum municiones libertare consueverunt, indulgentes et concedentes eisdem locis et cuilibet eorundem ac civibus burgensibus opidanis et incolis eorundem, ut omni jure, honore et honesta consuetudine, quibus opidum Frankenfurt est munitum, gaudeant et utantur, ita tarnen, quod ex hoc eidem archiepiscopo suisque sucessoribus nullum preiudiciuni generetur, quodque idem archiepiscopus suique successores plenam et liberam habeant potestatem per se alium vel alios in facinorosos homines et omnes deliquentes ipsorum locorum animadvertendi et scelera puniendi necnon tam meri quam mixti imperii iusticias exercendi et execucioni debite demandandi.
weiter: Auszug aus dem Sammelprivileg (deutsch)
zurück: Auszüge aus den Texten des Hochgerichtschöffenweistums
zum Inhaltsverzeichnis